Search

Мурињо: Треба да играме на врвот на нашите можности против Арсенал

Менаџерот на Манчестер Јунајтед, Жозе Мурињо очекува тежок тест против Арсенал во Премиер лигата. Тимот од Лондон се искачи на четвртото место на табелата по импресивната победа со 4:2 против големиот ривал Тотенхем во неделата, но Мурињо е категоричен дека „топџиите” сочувале некои од клучните играчи во дуелите од Лига Европа.

– Да, различно е и тоа ќе биде многу тежок натпревар за нас. Ќе играме против добар тим кој го ротира составот и дава одмор на најсилните играчи. Веќе имаме насобрано многу натпревари. Треба да играме на врвот на нашите можности. Овој момент доаѓа во декември и многу тимови ја плаќаат цената за тоа. Да си свеж сега е нешто убаво, изјави Мурињо.
Ешли Јанг е казнет и нема да игра за „Црвените ѓаволи” против Арсенал утре вечер, а неговите соиграчи Лук Шо, Ерик Баји, Фил Џонс и Крис Смолинг се со различни повреди и нивното учество е под знак прашалник.
Треба да знаете
Последни објави