Изминатиот период сведоци сме на една катастрофална политика од областа на економијата која што ја води Владата на СДСМ, изјави лидерот на ВМРО-ДПМНЕ, Христијан Мицскоски за време на состанокот во Сојузот на Стопанските Комори (ССК).
Пред претседателката на Сојузот, Данела Арсовска, Мицкоски ја презентираше економската програма што ја подготвува ВМРО-ДПМНЕ. Тој уверува дека нивната програма ќе одговори на најголемиот дел од реалните потреби и проблеми на граѓаните.
„Оваа средба ќе биде практично почеток на една поинтензивна соработка. Тука сме да ги прифатиме сите оние совети и критики кои што доаѓаат од апликативната дејност од вистинската економија. Ние сме свесни дека без добра економија немаме добар развој и како држава но и како општество“, рече Мицкоски и додаде дека секој мора да учи од грешките.
