Search

Мицковски го повика Заев на ТВ дуел

Лидерот на ВМРО-ДПМНЕ, Христијан Мицкоски го повикува доскорешниот премиер Зоран Заев да се соочат на ТВ дуел.

Мицкоски посочува дека сака да разговара на повеќе теми, меѓу кои и – зошто Заев градел кариера врз лаги, за „уценети слуги“, за бизнисите со марихуана, за правдата итн.

„Но и да зборуваме за мојата, нашата заедничка визија… да докажам дека наспроти лажните ветувања за живот, постои неопходност од обнова која ќе донесе повеќе за секого. Која ќе донесе повисоки плати за 25 отсто, повисоки пензии за 20 проценти, капитални државни инвестиции над 90 отсто секоја година, 4 милијарди домашни и странски инвестиции, едноцифрена невработеност и пониски даноци и трошоци за народот“, напиша Мицкоски на неговиот Фејсбук профил.

Претседателот на ВМРО-ДПМНЕ вели дека досега добил две понуди за ТВ дуел, од Канал 5 и од Алфа ТВ и дека двете ги прифатил и се надева дека тоа ќе го направи и Заев наместо, како што вели, „да се крие зад скапо платените спотови, зарибаната пропагандна машинерија и лажни вести“.

Треба да знаете
Последни објави