Милан направил обиди да ја врати својата легенда Карло Анчелоти на тренерското место.
Ова се случило во 2017 година, кога италијанскиот стратег беше во Баерн (Минхен), но есента беше ослободен.
– Размислувавме за Анчелоти и имаше разговори, откри Масимилијано Мирабели, тогашниот спортски директор на „росонерите”.
Потоа во Милано се решија за Џенаро Гатузо, кој го замени Винченцо Монтела.
Инаку, клубот од „Сан Сиро” имал и сериозен интерес за напаѓачот Хозе Кејхон од Наполи.
Мирабели исто така додаде дека ниту еден италијански тим не изразил интерес за Џанлуиџи Донарума.
