Search

Мејведер ќе ги плати сите трошоци за погребот на Флојд

Поранешниот американски боксер Флојд Мејведер објавил дека ќе ги плати сите трошоци
за погребот на Џорџ Флојд, чија смрт покрена лавина од протести во САД, јави
германската новинска агенција ДПА, повикувајќи се на американските медиуми.
Мејведер (43) на семејството на Флојд им понудил да ги сноси сите трошици за погребот
кој ќе се одржи на 9 јуни во Хјустон. Семејството на Флојд ја прифатило понудата на
славниот боксер. Исто така Мејведер ќе ги плати и трошоците на комеморациите што ќе
се одржат во Минесота и Северна Каролина.
Флојд почина минатата недела како резултат на полициска бруталност. Неговата смрт
поттикна масовни и насилни протести во Америка.
Флојд Мејведер стави крај на кариерата откако остана непоразен во 50 борби.

Треба да знаете
Последни објави