Машката штафета на Норвешка го освои златото на СП во Сефелд
Норвешка е победник на трката 4 по 10 километри штафета мажи на Светскиот шампионат во нордиски дисциплини што се одржува во австриски Сефелд.
Златото на Норвежаните им го донесоа Емил Иверсен, Мартин Сондби, Шур Рете и Јоханес Клебо. Тие патеката ја поминаа за 1 час 42 минути 32,1 секунда.
Второто место и сребрените медали им припаднаа на Русите во состав: Андреј Ларков, Александар Бесмертних, Александар Болшунов и Сергеј Устјугов. Русија зад победникот заостана 38,8 секунди.
На третото место се пласира францускиот тим кој го сочинуваа: Адриен Бакшајдер, Морис Манифика, Климент Парис и Ричард Жуве. Нивниот заостаток зад Норвешка изнесуваше една минута и една десетинка.
