Search

Матеус: Повеќе ништо не разбирам кога е во прашање „Златната топка“

Легендата на германскиот фудбал, Лотар Матеус вели дека не го разбира изборот на Лионел Меси за најдобар наспроти Роберт Левандовски кој ја заслужил индивидуалната награда „Златна топка“.

„Франс Фудбал“ ги избираше најдобрите за изминатата сезона. Педри беше избран за најдобар млад фудбалер, Донарума за најдобар голман, а престижната „Златна топка“ му припадна на Лео Меси, избор кој предизвика голема дебата и негодување кај љубителите на фудбалот.

Многумина сметаат дека наградата требала да заврши во рацете на Роберт Левандовски, кој имаше извонредна сезона, постигна 41 погодок во Бундеслигата и го сруши рекордот на Герд Милер стар речиси 50 години.

-Да бидам искрен, повеќе ништо не разбирам. Со сета почит кон Меси и останатите големи играчи, никој не ја заслужи „Златната топка“ повеќе од Роберт Левандовски. Тој го собори рекордот на Герт Милер, постигна повеќе погодоци од сите други. Да, Меси триумфираше со Аргентина на Копа Америка, но е прилично блед во францускиот ПСЖ – вели Лотар Матеус, кој во 1990 ја доби „Златната топка“.

Роберт Левандовски од Париз си замина со утешното признание за најдобар голгетер, награда која прв пат беше доделена оваа година.

Треба да знаете
Последни објави