Манчевски на Топ тема: Пратеници на ВМРО ДПМНЕ против волјата на граѓаните во Собранието

Беспредметно е пратениците да гласаат за верификација на мандат на пратеник, тоа го прават граѓаните, верификацијата треба да биде едноставна процедура со која се констатира мандатот, истакна пратеникот на СДСМ Дамјан Манчевски во емисијата Топ тема на ТВ Телма. Манчевски истакна дека има контрадикторност во однесувањето, бидејќи дел од пратеничката група на ВМРО -ДПМНЕ гласа против верификација на мандатите, гласа против волјата на граѓаните. Тој изрази очекување дека овој пратенички состав ќе има поголем ред од претходно, и тоа со измена на начинот на кој ќе функционира собранието, можеби ќе биде потребна и измена на деловникот со ќе се зголеми важноста и дигнитет на пратеничката функција, како и довербата на граѓаните во Собранието.