Претседателот на Светска банка Дејвид Малпас вчера изјави дека очекуваните трошоци за обнова на Украина „значително” ќе ги надминат прогнозите од речиси 350 милијарди долари на почетокот на оваа година, со оглед на руските напади врз енергетската и друга инфраструктура на Украина.
На конференцијата на Ројтерс НЕКСТ (Reuters NEXT), Малпас рече дека не гледа „замор кај донаторите” од меѓународната заедница и покрај огромните трошоци за војната, но има „огромно разочарување” од Русија поради тоа што војната продолжува.
– Ова е исцрпувачка и крајно фрустрирачка војна, рече претседателот на Светска банка, истакнувајќи дека руските претставници сега не се добредојдени на меѓународните состаноци.
