Четворица македонски граѓани кои беа затекнати како туристи во Лима, Перу, слетаа во Виена.
Тие слетале со чартер лет, по телефонски разговор помеѓу министерот за надворешни работи, Никола Димитров и автрискиот министер, Александер Шаленберг.
„Во исклучително отежнати услови за репатријација особено за затекнатите граѓани на други континенти, упатуваме голема благодарност до министерот за надворешни работи на Австрија, Александер Шаленберг, како и до австриското МНР, за солидарноста која е повеќе од потребна во овие моменти при заемното помагање помеѓу земјите“, вели Димитров.
Од Министерството за надворешни работи нагласуваат дека се во постојана комуникација со надлежните власти на земјите од регионот и од земјите членки на ЕУ, правејќи напори за преземање на нашите граѓани од другите континенти со заеднички прекуокеански лет, како што беше и случајот со Австрија.
