Венецуелските разузнавачки агенти го приведоа шефот на кабинетот на опозицискиот лидер Хуан Гваидо, Роберт Марер, како и опозицискиот пратеник Серж Вергара, соопштија денес од партијата на Гваидо.
На Твитер, Гваидо напиша дека агентите ги претресле становите на Марер и Вергара ова утро во главниот град Каракас.
Според „Ројтерс“, Вергара негирал дека е уапсен, но потврдил дека агентите го привеле Марер.
Лидерот на опозицијата, Гваидо, во јануари се прогласи за привремен претседател на Венецуела.
Сегашниот претседател на Венецуела, Николас Мадуро, потегот на Гваидо го нарече обид за државен удар.
