Л.А. Галакси ќе го привлече мексиканскиот напаѓач Хавиер „Чичарито” Ернандез од шпанска Севиља, објави „Лос Анџелес Тајмс”.
Информациите не фрлаат светло на параметрите на договорот, но се очекува дека офанзивниот играч ќе стане најскапиот играч во лигата. Трансферот се очекува конечно да биде објавен и финализиран следната недела.
Ернандез, трикратен учесник на Светскиот куп, кој има 52 гола на 106 натпревари за репрезентацијата, се пресели во Севиља од Вест Хем минатиот септември.
Сепак, 31-годишниот играч одигра само два натпревари од 2 ноември и, според „Лос Анџелес Тајмс”, неговото ограничено време на играње го предизвикал интересот кај тимот од Лос Анџелес.
Фудбалерот треба да го замени Златан Ибрахимовиќ, кој забележа 53 гола во текот на две сезони за тимот од „Градот на ангелите”.
