Спанковците се попаметни, покреативни и посреќни од луѓето кои се ранобудни.
Оваа теза ја потврди истражувањето на психолог од Лондонскиот факултет за економија. Тој објаснува зошто времето на будење е знак на интелигенција.
Веќе подолго време, на мобилните телефони постои опција за одложување на алармот, но се смета дека на телото му е потребно време да се прилагоди на тоа.
„Кога го притискате копчето snooze, вашата инелигенција е супериорна во однос на интелигенцијата на вашите врсници“, вели тој.
Истражувањето покажало дека слушањето на својот биолошки часовник наместо слепото следење правила ја развива способноста за следење на сопствените страсти и интереси, поради што тие личности се покреативни и независни.
„За разлика од другите цицачи, луѓето ја имаат таа единствена способност да го надвладеат внатрешниот биолошки часовник. Човекот може да одлучи кога ќе си легне и кога ќе стане од кревет, односно дали ќе биде ноќна птица или ранобудник“, објаснува коавторка на истражувањето.
Психолозите ги анализирале податоците за социоекономскиот статус на 1.229 лица и откриле јасна поврзаност – луѓето кои си легнувале по 23 часот и стануваат по 8 часот наутро обично заработуваат повеќе и водат поквалитетен живот, поради што се посреќни.
Меѓутоа, треба да се има на ум дека и премногу спиење не е здраво. Препораката на експертите е седум до девет часа непрекинат ноќен сон.
