Белгискиот напаѓач Ромелу Лукаку ќе ги пропушти првите два натпревара на Светското првенство во Катар 2022 година.
Според „RMC Sport” напаѓачот се уште се опоравува од повредата на тетивата. Стручниот штаб на репрезентацијата се надева дека Лукаку ќе успее да се опорави за натпреварот против Хрватска на 1 декември.
Оваа сезона 29-годишниот Белгиец одигра 5 натпревари за Интер во сите натпреварувања, постигна два гола и една асистенција.
Светското првенство во 2022 година ќе се одржи во Катар од 20 ноември до 18 декември. Селекцијата на Белгија ќе игра во групата со Канада, Мароко и Хрватска.
Во својот прв натпревар на турнирот, Белгијците ќе играат со Канаѓаните на 23 ноември.
