Search

Либански демонстранти ги блокираа патиштата околу Бејрут

Либански демонстранти ги блокираа денеска патиштата околу главниот град Бејрут, обновувајќи ги протестите против власта, за која тврдат дека не успеала да спречи економско пропаѓање.
Демонстрантите гореа автомобилски гуми и ги блокираат трите главни автопати кои водат кон Бејрут – од југ, исток и север. На протестите учествуваат и ученици и студенти, кои маршираа долж автопатите, носејќи либански знамиња.
Протести имаше и во северниот град Триполи и во провинцијата Акар, каде демонстрантите блокираа неколку улици со запалени гуми и цигли.
Либан се соочува со најголемата економска криза по повеќе децении, при што вредноста на локалната валута падна во однос на доларот и во последните неколку недели изгуби околу 60 проценти од вредноста. Банките наметнаа ограничување при подигнувањето пари и трансфер на средства надвор од земјата. Тоа предизвика паника меѓу населението, кое стравува дека паричните влогови им се во опасност.
Треба да знаете
Последни објави