Search

Ленин Јовановски: Приватните превозници ја поддржуваат идејата за бесплатен јавен превоз

Интегрален текст од известување на Ленин Јовановски од  „Слобода Превоз“

„Како засегната страна, која практикува во дејноста Јавен линиски превоз на патници во Град
Скопје и како приватни превозници, ви се обраќаме да ги негираме шпекулациите објавени од
политичка партија кои произлегуваат од незнаење, но и најверојатно заради отсуство на
комуникацијата со нас во изминативе години и покрај многубројните проблеми со кои се
соочувавме особено за време на пандемијата со Ковид 19 и заради големите финансиски
проблеми кои произлегуваа од ненавремени исплати и големи долгови од Град Скопје преку ЈСП
кон нас превозниците.

Зачудени сме од загриженоста на некои фактори кои години наназад придонесуваат кон наше
уништување , а сега се наводно загрижени за нас со тврдењето дека доколку се воведе бесплатен
јавен превоз ние ќе сме пропаднеле. Ваквите тврдења не се точни и покажуваат основно
непознавање на тоа како приватните превозници функционираат во Градот Скопје, таквите
очигледно исто така не знаат дека такси превозот никогаш не бил и не може да биде конкуренција
на линискиот автобуски превоз на патници.

Воедно сакаме да ве информираме дека ние ја поддржуваме идејата за бесплатен јавен превоз,
како што ќе поддржиме и ќе помогнеме во реализација на се и секоја идеја која ќе биде во
интерес на граѓаните и сообраќајот во Скопје, како секогаш така и сега. Ние како приватни
превозници, а не има од сите етникуми , политички партии и партиски неопределени ја
поддржавме програмата за сообраќај на кандидатот за градоначалник на град Скопје Данела
Арсовска, заради тоа што единствено таа во нејзината програмата не спомнува нас како приватни
превозници и со конкретна поддршка за нас како такви.

Ние приватните превозници без разлика на нашата политичка, етничка и верска припадност
секогаш сме здружени и единствени во поддршката на се она што значи овозможување
поквалитетни услови во нашето работење и отворени врати за соработка и можност да бидеме
сослушани за проблемите со кои се соочуваме, без разлика од кого и каде тоа ни се овозможува.
А, тоа е она што за жал воопшто го немавме во изминатиот период, единствениот феномен, нула
средби со актуелниот градоначалник и директорот на ЈСП .За сите прашања од страна на медиумите стоиме на располагање, доколку има потреба и пошироко да ги елаборираме фактите за состојбите во јавниот превоз во Скопје и сообраќајот воопшто.

Треба да знаете
Последни објави