Search

Ла Лига се пофали со рекордна посетеност

Шпанската лига објави рекордна посетеност на натпревари од првите две нивоа на локалниот фудбал. Ла Лига и Сегунда дивизија ја преминаа границата од 7,5 милиони гледачи во првата половина на сезоната 2018-2019, според извештајот на организацијата.

Пред зимската пауза, која беше две недели, двете професионални лиги во земјата забележале раст од 8,71 отсто во споредба со претходната сезона. Точно 602.372 повеќе луѓе ги посетиле средбите во Примера и Сегунда.

Во елитната лига, точниот број на гледачи на стадионите е 5.172.228, што претставува зголемување од 2,35 отсто од претходната сезона, или 118,942. Рекорден е растот во втората дивизија, каде се очекува скок од близу 26 отсто. Речиси 2,5 милиони луѓе ги следеле натпреварите од Сегунда помеѓу август и јануари.

Просечното присуство на првата лига е 27.222 гледачи, додека во Сегунда – 10.164. Очекувањата се дека двете првенства ќе стигнат до 15 милиони гледачи до крајот на сезоната.

Неодамна, Ла Лига објави дека ќе користи специјален софтвер за вештачка интелигенција за да помогне во изготвувањето на програмата. Големата цел на претседателот на Лигата, Хавиер Тебас е да се направи производ кој ќе се натпреварува со Премиер лигата во Англија.

Треба да знаете
Последни објави