Претседателот на Барселона, Жоан Лапорта, зборуваше за претстојниот натпревар од шпанската фудбалска Ла Лига против најголемиот ривал Реал Мадрид што ќе се одигра на „Камп Ноу“.
– Имам добро чувство. Победивме два меча, играчите закрепнуваат. Фати и Агуеро се вратија, играме пред нашите навивачи. Сакам да ги расположам навивачите, бидејќи шоуто ќе биде одлично. Ако го победиме Реал, ќе биде супер, ќе славиме. Оптимист сум и уверен дека ќе победиме, рече Лапорта.
Големото дерби на шпанскиот и европскиот фудбал познато како „Ел Класико“, Барселона – Реал Мадрид е закажано за в недела во 16:15 часот.