Премиерот на Косово, Албин Курти на Економскиот самит во Скопје, запрашан за вчерашните немири по полициската акција против шверцот на северот од земјата каде мнозинството граѓани е српско население рече дека косовските институции нема да дозволат стабилност на криминалот. Курти рече дека српските и албанските криминалци соработуваат совршено и оти мора да се бори против нивните групи.
-Вчера наутро имаше полициска акција во четири различни општини во Косово. Пеќ, Приштина, Северна Митровица, Јужна Митровица, каде што соработуваа разни криминалци, Албанци и Срби. Судијата на претходната постапка и обвинителот што ја наредија акцијата беа Срби. Многу полицајци беа Срби. Некои од повредените полицајци беа Албанци, некои Срби. Погрешно е да се национализира или политизира борбата против организираниот криминал, рече меѓу другото Курти.
