Холандскиот фудбалски стратег Роналд Куман ги брои деновите пред да му биде врачен отказот во Барселона. Во Шпанија, сè погласни се зборува за предвремената разделба на Куман со тимот од „Камп Ноу“ по убедливиот пораз на стартот од новата сезона во групната фаза од Лигата на шампионите што го претрпе пред своите гледачи од Баерн (0:3). Првиот човек на Барселона, Жоан Лапорта бил многу лут на Куман токму поради овој пораз оти Барселона никогаш не изледала полошо на теренот во последните десет години. Незадоволство искажувале и играчите, па отказот за Куман е неминовен.
Раководството на Барселона е веќе во потрага по наследникот на Куман. Новинарот на „Спорт“, Тони Хуанмарти пишува дека Барселона го контактирала Жорди Кројф (47), синот на холандскиот великан Јохан, кој не го прифатил овој предизвик.
