Крвава драма во Скопје како на филм: Младо момче преживеа хорор во својот дом
Драма во Скопје, 20-годишно момче преживеа вистински хорор во својот дом. Како што пишува во билтенот на МВР, вчера околу 12:00 часот В.Д.(20) од Скопје пријавил дека околу 02:30 часот во неговиот стан во Скопје влегле три лица со фантомки. До моментот на пријавата лицата насилно го држеле во станот, а при излегување од станот едно од лицата со остар предмет му нанело убодна рана. Оштетениот во пријавата посочил дека одземен му бил лап топ, мобилниот телефон и пари, по што лицата го напуштиле местото на настанот, а оштетениот бил пренесен во Комплексот клиники „Мајка Тереза“. Се преземаат мерки за целосно расчистување на случајот.
