Search

Крајбрежната стража на Мавританија пресретнала брод со мигранти

Брод што превезувал меѓу 150 и 180 мигранти денеска бил пресретнат од Крајбрежната стража на Мавританија, соопшти Агенцијата за миграции на Обединетите нации.

-Локалните власти во моментов ги идентификуваат мигрантите, изјави Лаура Лингароти, директорка на Меѓународната организација за мигранти (ИОМ) во Мавританија

Инцидентите укажуваат на раст на бројот на лица кои сакаат да го ризикуваат својот живот минувајќи низ овој опасен поморски пат од западна Африка до шпанските Канарски острови, што беше главна маршрута  за оние кои бараат работа и подобар живот во Европа, додека Шпанија не ги засили контролите, пренесоа британските медиуми.

-Тоа е дел од трендот, се поголем број луѓе ја минува оваа маршрута, бидејќи патот преку централен Медитеран е запрен заради ситуацијата во Либија, изјави Лангароти.

Во средата најмалку 62 лица се удавија крај брегот на Мавританија, а околу 80 успеаја да допливаат до брегот бидејќи им потонал бродот што ги превезувал од Гамбија.

Треба да знаете
Последни објави