Карагер во одбрана на Бензема: И јас сум го правел истото!

Легендарниот англиски дефанзивец, Џејми Карагер (42) застана во одбрана на напаѓачот на Реал Мадрид, Карим Бензема кој на полувремето на мечот на „Кралевите“ против Борусија Менхенгладбах на соиграчот Менди му сугерира да не му ја подава топката на Винисиус. „Тоа што го стори Бензема е нешто што и јас самиот го правев, а ако јас тоа сум го рекол за некој друг, можам да гарантирам дека истото некој го рекол и за мене“ вели Карагер. Екс-дефанзивецот на Ливерпул објасни дека постојат две страни. „Постои една страна, ако мислите дека со тоа навистина и помагате на својата екипа, што мислам дека е случај во оваа ситуација. Постои и опција поради тоа што двајцата се напаѓачи, ако Бензема тоа му го рекол од себични причини, тогаш тоа не е во ред“ смета Карагер. Во секој случај, Англичанецот смета дека ваквиот тип „озборување“ е оправдан. „Ако некој игра лошо, тогаш јас сум бил во истата ситација многупати, што на полувреме, што на тренинг. Често му велите на голманот `Фрли ја топката на другата страна, тој се мачи и игра лошо. Додај му на десниот бек, немој на левиот`. Тоа не е нешто што не се случува, само што Французинот го фатија“ – смета екс-фудбалерот.