Полјаците имаа водство само на стартот на натпреварот (2-1), по што Германија ја презема контролата и со мини-серија од 3-0 стигна до 8-5, по што ја задржа предноста на полувреме (15-12).
Полска на почетокот на вториот дел намали на еден гол (14-15), меѓутоа Германија повторно со неколку серии избега на шест гола разлика (21-15), а потоа без мака запиша триумф од 30-23.
На натпреварот меѓу Исланд и Унгарија имаше возбудувања во текот на цело прво полувреме, каде што во најголем дел предноста ја имаа Исланѓаните со два гола (12-10), но го прокоцкаа водството пред паузата (17-17).
Унгарија го врати водството во вторите 30 минути и се надеваше дека може да слави во мечот кој треба да им обезбеди пласман во втората фаза, меѓутоа Исланд со подобра завршница стигна до 31-30 и така го расплака домаќинот.
Елисон и Магнусон беа најдобри во победничкиот тим со по девет погодоци, додека на спротивната страна за Унгарија најефикасен беше Банхиди со шест гола.
