Search

Исланд подигна споменик во чест на исчезнат глечер

Исланд официјално му подигна споменик на својот прв исчезнат глечер, жртва на климатското затоплување.

Окјокул, првиот целосно истопен глечер на островот, е симбол на предупредувањето на научниците за ефектите од климатските промени.

„Тоа е прв споменик подигнат во чест на глечер што исчезнал поради глобалните климатски промени“, рече Симен Ху, професорка по антропологија на Универзитетот Рајс во Соединетите Држави, која го иницираше подигнувањето на споменикот.

Со плочата на која со златни букви на исландски и англиски јазик е напишано „Писмо за иднината“, научниците се надеваат дека ќе ја истакнат опасноста од исчезнувањето на глечерите и ефектите од климатските промени.

Научниците се загрижени поради  очекуваното исчезнување на 400 глечери на тој субарктички остров во рок од 200 години.

Треба да знаете
Последни објави