Иранските жени присуствуваа на квалификациите за Светскиот куп во Техеран, откако за прв пат по децении им беше дозволено слободно да влезат на стадион за машки натпревар. На жените им беше забрането да влезат на фудбалски стадион кога мажите играат, уште од исламската револуција во 1979 година.
Промената уследи по смртта на една навивачка, која се запали, откако беше уапсена за обид да присуствува на натпревар.
Повеќе од 3.500 жени купиле билети во квалификациите за Светскиот куп против Камбоџа, каде добиле пристап до специјалниот дел за жените само на стадионот Азади. Стадионот има капацитет за околу 78.000 луѓе.