Во Кинотеката на Северна Македонија на 30 мај, четврток, со почеток во 19 часот ќе биде отворена првата самостојна изложба на Иван Серафимов „Од сон на јаве“. Изложбата ќе биде отворена до 2 јуни.
Иван Серафимов роден 1943 во Скопје. Пред 30 години како идеја му доаѓа да почне да изработува македонски касели, како дел од македонската семејна традиција, во која што невестите го носеле својот чеиз. Македонската народна носија и нејзината разноликост го потикнуваат да ја пренесе на дрво како слика.
Црта пафти и ги украсува со копаничење и акрилни бои. Богатата македонско-црковна орнаментика му е предизвик и понатака да ја пренесува во свој стил на неговите слики.
Последните десет години на своите слики го прикажува секојдневието од својот живот. Црта на платно со акрилни бои.
Учествува во формирањето на секција за уметничко домашно ракотворење во здружението на занаетчии во 2001 година каде е првиот претседател.
