Search

Заев: Републичките сили кои помагаа во Албанија заслужуваат највисока почит

Припадниците на републичките сили за заштита кои помагаа во Албанија по катастрофалниот земјотрес ја заслужуваат нашата највисока почит и поддршка за нивната стручност и храброст, напиша премиерот Зоран Заев на „Фејсбук“.

„Од име на сите граѓани на нашата држава, сакам да упатам неизмерна благодарност кон републичките сили за заштита и спасување, кои координирани од Дирекцијата за заштита и спасување, беа присутни во најпогодените подрачја во Албанија од катастрофалниот земјотрес.

Нашата држава е држава на солидарност. Скопјани уште живо се сеќаваат на катастрофалниот земјотрес од 1963. Тогаш со помошта на нациите од целиот свет го изградивме повторно главниот град.

Припадниците на републичките сили за заштита ја заслужуваат нашата највисока почит и поддршка за нивната стручност и храброст“, напиша Заев.

Треба да знаете
Последни објави