Предлогот Република Илинденска Македонија не отпаѓа, изјави премиерот Зоран Заев во изјава пред судот по ослободителната пресуда за случајот „Поткуп“.
Иако грчката страна соопшти дека за нив не е прифатливо ова решение, Заев се надева дека ќе се разгледа повторно бидејќи, според него, предлогот Илинденска Македонија е достоинствено решение кое не навлегува во идентитетот.
Тој го повтори ставот дека за предлогот се согласиле со Ципрас во Софија, како можно прифатливо решение, но рече дека тие сепак се премиери на двете држави, а за конечно прифаќање на предлогот потребна е согласонст од сите релевантни фактори и во Македонија и во Грција.
Преговорите продолжуваат в четврток во Њујорк за кога е закажана средба на двајцата шефови на дипломатиите со медијаторот Нимиц.
