Жителите на две отсечени села добија храна и лекови

Полициски службеници поделија храна и лекови на жителите во две села на границата со Бугарија, соопшти МВР.

Службениците извршиле посета на постари лица кои живеат сами во оддалечени средини на селата, кон кои е отежнат пристапот поради снегот.

„На жителите доставена им е храна и лекови, а оставени се и контакт телефонски броеви за комуникација доколку имаат некаква потреба“, соопшти МВР.