Search

Жените постари од 35 години треба да паузираат барем една година меѓу двете бремености

Жените над 35 години не би требало да брзаат со проширување на семејството, препорачуваат научниците од Универзитетот на Британска Колумбија.

Научниците анализирале податоци за 148.544 бремености во Канада и откриле дека жените постари од 35 години имале околу 6% повисок ризик од прерано породување. Сепак, ако почекале барем 18 месеци од претходното породување до следното зачнување, процентот на ризик опаѓал на само 3,4%.

Меѓу жените кои чекале само шест месеци, забележан е ризик од смртност и други потешки последици во 1,2% од случаите. Тој ризик е намален на само 0,5 отсто кај жените кои почекале 18 месеци меѓу двете бремености.

„Ризици има од неколку причини: можеби телото нема закрепнато од претходната бременост и породувањето, лоша пренатална нега и фактори поврзани со непланирана бременост. Препораката е да се информирате за методите на заштита и да се воздржите од незаштитен сексуален однос некое време по породувањето“, објаснува професорка од Харвард.

Ако сте во средни 30-ти години, нејзин совет е да бидете внимателни барем 12 месеци.

„Тоа е магичната бројка што би требало да им одговара на повеќето жени, а се исплати бидејќи го намалувате ризикот од бројни можни компликации“, предупредува таа.

Треба да знаете
Последни објави