Полицијата трага по жена која управувајќи автомобил со шведски национални ознаки прегазила старица вчера во Скопје, па избегала.
-На 07.07.2020 во 12.20 часот било пријавено дека на паркинг на булевар Партизански одреди во Скопје, патничко возило „фолксваген“, со шведски национални ознаки, управувано од непознато женско лице, удрило во пешакот В.Т.(76) од Скопје, по што го напуштило местото на незгодата. Притоа, со тешки телесни повреди се здобил пешакот В.Т., констатирани во Градската општа болница „Св.Наум Охридски“, каде бил пренесен за укажување на лекарска помош, велат од МВР.
Извршен бил увид на местото на незгодата од увидна екипа од СВР Скопје.
Се преземаат мерки за расчистување на случајот.
