Репрезентацијата на Екваторска Гвинеја се пласираше во четврт-финалето на Африканскиот куп на нации, откако по подобро изведување на пенали го победија Мали.
Дури ни по 120 минути немаше погодок, па така мораше да се пристапи кон изведување на пенали, а и таму имаше голема драма.
И двете селекции имаа шанса многу порано да ја завршат работата, но, победникот беше решен дури во осмата серија кога Фалаје Сако шутираше по средината на голот. Чуварот на мрежата на Екваторска Гвинеја го процени ударот и донесе голема радост за оваа селекција која што нема голема ѕвезда во своите редови, но докажуваат дека за националниот тим се игра со срце.
Следен на листата на оваа мала репрезентација со фудбалска историја е големиот Сенегал кој и покрај тоа што има голем број на ѕвезди во тимот, не прикажува добри игри на овој турнир.
