Search

Дуда во водство по првиот круг од претседателските избори во Полска

Според прелиминарните податоци од вчерашните претседателски избори во Полска, актуелниот шеф на државата Анджеј Дуда освои 41,8 отсто од гласовите, а на второ место е опозиционерот и градоначалник на Варшава, Рафан Тржасковски со освоени 30,4 проценти од гласовите.

Излезноста беше 62,9 отсто, што е највисок одѕив на граѓаните од 1989 година на сите избори.

На претседателските избори учествуваа 11 кандидати, а конечните резултатите треба да бидат објавени в среда. На трето место е новинарот Шимон Холовниа, за кого гласале  13,3 отсто од граѓаните.

На 12 јули ќе се одржи втор круг бидејќи ниту еден од кандидатите не освои повеќе од 50 проценти од гласовите. Во вториот круг ќе учествуваат двата кандидати со освоени најголем број гласови односно Дуда и Тржасковски.

Претседателските избори во Полска првично требаше да бидат одржани на 10 мај, но беа откажани поради пандемијата со Коивд-19.

Треба да знаете
Последни објави