Во контролата на движењето на граѓаните и почитувањето на полицискиот час ќе биде ставена и единицата на беспилотните летала, најави вечерва министерот за внатрешни работи, Наќе Чулев во емисијата Топ Тема на телевизија Телма.
Се работи за беспилотни летала со високи технички можности кои буквално може да ја скенираат целата територија на државата и да укажат на сите можни прекршувања. На тој начин ќе имаме и мапа за тоа каде има најголеми прекршувања. Тие летала имаат големи можности, можат буквално и регистрацијата на возилата да ја видат. – изјави Чулев.
Тој прецизираше дека во моментот решенија за здравствен надзор има за 1105 луѓе на територијата на цела држава, додека бројката на решенија за самоизолација се зголемила на 8 709 лица. мосега е утврдено непочитување од страна на 89 лица и се поднесени 113 кривични пријави.
Ова е голема бројка и расте, особено во град Скопје и можам да кажам дека досега е утврдено непочитување од страна на 89 лица и се поднесени 113 кривични пријави. Согласно одлуката на влада доколку се утврди дека лицата не ја почитуваат мерката им се поднесува кривична пријава и истите се спроведуваат во задолжителен карантин, при што трошоците за време на престојот во карантин ги сносат самите лица” – изјави Чулев
