Италијанскиот фудбалски голман Џанлуиџи Донарума кој летово пристигна во ПСЖ како големо засилување е незадоволен од својот статус кај „светците“. Италијанецот кој пред да се пресели во Париз со репрезентацијата на „аѕурите“ стана европски шампион, не добива шанса да застане на голот на ПСЖ. Донарума главно седи на клупата за резерви, бидејќи тренерот Маурисио Покетино одлучи дека Кејлор Навас ќе остане прв голман.
Поради ваквиот третман Донарума е подготвен да го напушти клубот доколку тоа не се промени во блиска иднина. „Калчомеркато“ објави дека Донарума веќе му рекол на својот менаџер Мини Раиолада да бара нова средина. Менаџерот е во контакт со челниците на Јувентус, кои внимателно ја следат ситуацијата на Донарума и се подготвени да му понудат подадена рака следното лето доколку неговата ситуација во ПСЖ не се промени.
