Кошаркарите на Денвер Нагетс победија во дерби мечот одигран изминатата ноќ во НБА лигата. Пресметката на лидерите во своите конференции им припадна на Нагетс кои славеа над Торонто 95:86.
Неверојатната серија 23:2, во финишот на третата четвртина има ја донесе победата на Денвер. Никола Јокиќ го предводеше својот тим со 26 поени, девет скока, четири асистенции и две украдени топки.
Српскиот центар доби поддршка од Џамал Мареј (19 поени), Тори Крег (13 поени) и Монте Морис (12 поени). Кај Репторс најдобар беше Каваи Ленард со 29 поени и 14 скока.
Денвер водат на Западот со скор 20/9, додека Репторс се лидери на Истокот со скор 23/9.
Исклучително интересен натпревар одиграа Сакраменто Кингс и Далас Маверикс. Забележителни улоги имаа играчите од Балканот. Кингс славеа со 120:113.
Бади Хил и Диерон Фокс уфрлија по 28 поени за Сакраменто, а српските репрезентативеци Немања Бјелица и Богдан Богдановиќ уфрлија по 15 поени. На другата страна најдобар играч беше Словенецот Лука Дончиќ со 28 поени, девет скока и шест асистенции.
Вашингтон Визардс против ЛА Лејкерс ја прекинаа серијата од четири порази. Визардс, предводени од Џон Вол, забележаа победа 128:110.
Вол, во првото полувреме постигна 28 поени, а мечот го заврши со 40 поени, 14 асистенции. Уште тројца кај Вашингтон реализираа најмалку 20 поени: Бредли Бил (25 поени, 12 асистенции), Сем Декер (20 поени) и Џеф Грин (20 поени).
Најдобар играч на Лејкерс на овој дуел бил Кентавијус Колдвел-Поуп со 25 поени, пет помалку постигнал Кајл Кузма.
