Директорот на Дирекцијата за заштита и спасување г-дин Аднан Џафероски, денеска го посети пунктот на ДЗС кој е поставен на Бошков мост и ги поздрави припадниците на силите за заштита и спасување кои веќе една недела вршат дезинфекција на возилата кои се движат на кризното подрачје во Дебар и Центар Жупа. Тој им се заблагодари за покажаната професионалност и им посака успех во понатамошната работа.
Директорот на Дирекцијата за заштита и спасување го посети и контролниот пункт на полициските служби кои заедно со припадниците на силите за заштита и спасување успешно ја извршуваат својата задача.
