Search

Димитров се сретна со членови на Комисијата за надворешна политика на Сенатот на САД

Министерот за надворешни работи Никола Димитров денеска оствари средба со членови на Комисијата за надворешна политика на Сенатот на Соединетите Американски Држави, предводени од директорот Крис Соча, на која било разговарано за унапредување на партнерските односи меѓу двете земји и евро-атлантските перспективи на Република Северна Македонија.

Како што соопшти МНР, соговорниците го поздравиле потпишувањето на пристапниот протокол за членство на Република Северна Македонија во НАТО, истакнувајќи дека решавањето на долгогодишниот спор со Грција претставува позитивен пример како треба да се решаваат отворените прашања во регионот. Во оваа насока, беа разменети мислења за процесот на ратификација во американскиот Сенат.

Министерот Димитров се заблагодарил за континуираната поддршка на САД, особено на Сенатот кој игра значајна улога во креирањето на надворешната политика на САД, за остварување на стратешките цели на Република Северна Македонија.

Воедно, како што се наведува во соопштението, се заблагодарил и за неодамнешната резолуција поднесена во Сенатот на САД, во која се оценува дека со постигнувањето на договорот со Грција се придонесува кон унапредување на стабилноста, безбедноста и просперитетот на целиот Регион и се дава дополнителна поддршка за членство на Република Северна Македонија во НАТО. 

Треба да знаете
Последни објави