Search

Двајца од тројцата заболени во Франција пристигнале на аеродром без симптоми

Двајца од тројцата Кинези во Франција на кои им е дијагностициран коронарвирус, пристигнале во Париз без симптоми на болеста, соопштија денеска лекарите во болницата каде се сместени.

Двајцата пациенти во Париз се двојка кои пристигнале во Париз на 18 јануари, но до 19, односно 23 јануари немале никакви симптоми, соопштија официјалните лица.

Трет пациент дијагностициран со оваа болест, е 48-годишен Кинез од Бордо, кој работи во француска винска индустрија, пристигнал со авион од Вухан во Холандија, а потоа и во Франција, соопшти здравствената служба на Бордо.

Француската министерка за здравство Ањес Бузин изјави дека тој пристигнал во Франција на 22 јануари, отишол на лекар на 23 јануари, а вирусот му бил дијагностициран вирус на 24 јануари.

Француското Министерство за здравство соопшти дека неколку лица се хоспитализирани заради набљудување.

Поради овие случаи, дел од медиумите го поставија прашање дали проверката на патници, што се спроведува на аеродромите, е воопшто потребна со оглед на тоа дека заразените развиле симптоми дури по пристигнувањето во земјата. 

Треба да знаете
Последни објави