Властите во Рим упатија апел до жителите да ги затворат прозорците и да не излегуваат надвор поради големиот пожар во фабриката за преработка на отпад, од кој голем дел од италијанскиот главен град е прекриен со густ чад.
Постои опасност чадот да е отровен.
Nube nera su Roma
Black cloud covering the sky of Rome#incendioama #viasalaria #incendio pic.twitter.com/jF8SKMBcGi— Gaia.Pictures (@GaiaCitta) December 11, 2018
Градското собрание ги повика жителите да не јадат храна што расте околу фабриката, а училиштата им препорачаа на родителите да не ги пуштаат своите деца надвор.
Пожарот во фабриката, која се наоѓа на северната периферија на градот, избувнал ноќеска. Противпожарната служба соопшти дека огнот бил локализиран, но сѐ уште не е целосно изгаснат.
Според локалните власти, не постои сериозна опасност за здравјето на населението.
Причината за пожарот се истражува.
Како што јавија локалните медиуми, тоа може дополнително да ја влоши состојбата со собирањето на ѓубрето во Рим.
