Најмалку 14 лица погинаа, а уште 18 други се повредени во сообраќајна несреќа кога автобус што превезувал хиндуски аџии слетал од патот во Непал, соопшти полицијата.
Аџиите се враќале од посетата на познатиот храм Калинчок Бугвати, на околу 80 километри источно од главниот град Катманду.
Спадувачите успеале да ги извлечат повредените патници од автобусот и да ги префрлат во блиската болница, јавија американските медиуми.
Полицијата ги истражува причините за несреќата, иако верува дека лизгавиот коловоз и густата магла се најверојатната причина возилото да слета од патот. Исто така, не се исклучува ниту можноста од дефект на возилото, како и веројатноста возачот да не го познавал добро тој планински пат.
