Режисерот сер Ридли Скот потврди дека неговите култни научнофантастични филмови „Блејд ранер“ и „Елиен“ ги претвора во ТВ-серии.
Во интервју за „Би-би-си радио 4“ во понеделникот, два дена пред светската премиера на неговиот нов филм „Куќата Гучи“, сер Ридли изјави дека веќе напишал пилот-верзија за „Блејд ранер“ како серија од 10 епизоди.
Истото тоа ќе се случи и со „Елиен“, додаде тој.
Оригиналниот филм „Блејд ранер“ од 1982 година е сместен во дистописка иднина во Лос Анџелес, со Харисон Форд во главната улога како истребувач.
Филмот за вонземјани од 1979 година „Елиен“, со Сигурни Вивер и Том Скерит во главните улоги, имаше три продолженија.
