Search

Во Индија убиени 11 тигри заради ритуали

Во Индија, 19 лица беа уапсени во областа Маја Прадеш за убиство на 11 тигри од 2018 година.

Повеќето уапсени се припадници на племиња од тампон-зоната и резерватот за диви животни, кои ги убиле тигрите и леопардите за да ги користат нивните делови од телото во ритуали на принесување жртви на боговите, според „Хиндустан тајмс”.

Тие верувале дека тоа ќе го оддалечи злото од нивните домови и живот и ќе им донесе среќа.

Официјални лица открија дека повеќето од дивите мачки, чии делови беа користени за овие ритуали, биле убиени со поставување замки со електрични жици или труење на тампон зони од нивното природно живеалиште со помош на доушници.

„Штом тигрите ќе ги стресеше струја, ловокрадците им ги отстрануваа шепите, канџите, мустаќите, кожата и забите и потоа ги закопуваа”, рече еден од официјалните лица.

Откако ќе ги земеле деловите од телото, ловокрадците контактирале со членовите на племето и за тоа наплаќале 10.000 до 20.000 рупии.

Треба да знаете
Последни објави