Египѓаните на референдум ќе гласаат за амандманите за продолжување на мандатот на претседателот Абдел Фатах ал Сиси.
Одлуката за распишување референдум е донесена по гласањето во египетскиот парламент, каде со големо мнозинство беа поддржани низа уставни амандмани, меѓу кои и продолжување на претседателскиот мандат.
Согласно Уставот мандатот на претседателот се ограничува на два последователни мандати во траење од по четири години, но со предложените промени се овозможува продолжување на вториот мандат на претседателот од четири на шест години. Тогаш претседателот би можел да се кандидира и за трет, шестгодишен мандат.
