Search

Во Германија уапсен државјанин на БиХ за напад во Париз

Во Германија е уапсен државјанин на Босна и Херцеговина кој беше баран од Белгија во врска со терористичкиот напад во Париз во 2015 година.

Обвинителството на Дрезден соопшти дека станува збор за 39-годишен осомничен, чиј идентитет не беше откриен.

Се тврди дека тој е уапсен минатата недела и е осомничен во врска со нападите во Париз.

Според АП, белгиските власти издале потерница по него поради давање поддршка на терористичка организација.

Уапсениот е притворен додека не се донесе одлука за евентуална екстрадиција.

Во нападите на исламските екстремисти во Париз на 13 ноември 2015 година, загинаа 130 луѓе.

Треба да знаете
Последни објави