Американското филмско студио „Јуниверзал пикчерс“ го повлече објавувањето на „The Hunt” по серијата критики од американскиот претседател Доналд Трамп, пренесува Би-би-си.
„The Hunt” е сатиричен филм во кој либералите ги ловат поддржувачите на Трамп и ги убиваат за забава, а требаше да се прикажува во киносалите на 27 септември. По масакрите во Ел Пасо и Дејтон пред една недела беше запрено рекламирањето на филмот, а од „Јуниверзал“ кажаа дека одлуката за повлекување на филмот е донесена по „внимателно разгледување“.
