Возач бил тешко повреден, а сопатник полесно кога автомобилот во кој се возеле излетал од пат и се превртел, вчера ноќта во близина на скопското село Мирковци.
Според полицијата, сообраќајката се случила во 00.30 часот, на локалниот пат Мирковци – Сандево. Автомобил „рено меган“ со скопски регистарски ознаки, управуван од В.М.(23) од селото Мирковци, изгубил контрола и излетал од коловозот.
Во сообраќајката со тешки повреди се здобил возачот, а полесно бил повреден сопатникот Д.Ј.(29).
На двајцата им била укажана лекарска помош во Комплексот клиники „Мајка Тереза“. Увид на местото извршила екипа од СВР Скопје.
