Присуството на САД на Блискиот Исток е најслабо во историјата, изјави заменик-командантот на иранската елитна Револуционерна гарда, контра-адмирал Али Фадави.
Американскиот претседател Доналд Трамп ги зајакна економските санкции против Иран, а неговата администрација вели дека го интензивира своето присуство во регионот, обвинувајќи го Иран дека е закана за американски трупи и интереси.
Техеран ги оквалификува потезите на САД како „психолошка војна” и „политичка игра”.
„Американците се присутни во регионот од 1833 година и сега нивното присуство е најслабо во историјата во Западна Азија”, рече Фадави.
