Опозициската партија ВМРО-ДПМНЕ нема конечен став за бојкот на претседателските избори што ќе се одржат на 21 април. Од партијата велат дека идните чекори ќе зависат од дејствувањето на СДСМ и на ДУИ.
„Претпоставувам дека реферирате на нешто што вчера беше објавено, а за што можам да кажам дека беше грубо злоупотребено за дневнополитички цели. Во моментот ги разгледуваме буквално сите опции што ќе ги објавиме и, нормално, ќе пресечеме кога ќе имаме одговор од власта во однос на нивното понатамошно дејствување“, рече генералниот секретар на ВМРО-ДПМНЕ, Игор Јанушев, на новинарско прашање дали ВМРО-ДПМНЕ ќе ги бојкотира претседателските избори ако не се прифати со нив да се одржат и предвремени парламентарни избори.
На прашањето дали бојкотот е опција, Јанушев рече дека сите идни чекори ќе зависат, пред сè, од дејствувањето на СДСМ и ДУИ, односно од страна на владејачката гарнитура.
